Çfarë është numri IBAN dhe si mund t'a gjeni atë?

IBAN (numër llogarie bankare ndërkombëtare) – është një format i pranuar ndërkombëtar për të shkruar numrin e llogarisë bankare tuaj dhe përdoret nga bankat në vende të ndryshme për të identifikuar dërguesin dhe përfituesin e fondeve. IBAN përdoren gjerësisht në vendet e Bashkimit Evropian dhe disa shtete të tjera për të kryer transferta lokale dhe ndërkombëtare

Paysera siguron numër IBAN lituanez për shumicën e klientëve të saj, pasi është një kompani e liçencuar nga Banka e Lituanisë. Një numër IBAN lituanez përbëhet nga 20 simbole dhe duket kështu: LT00 3500 0000 0000 0000.

IBAN shkruhet në grupe me 4 simbole: LT00 3500 0000 0000 0000, por kur e vendosni në internet nuk duhet të shtoni hapësira qëllimisht, por duhet t'a shkruani si një numër: LT003500000000000000.

Numri IBAN mund të përbëhen nga deri në 34 simbole në shtete të tjera, megjithatë formati do të jetë shumë i ngjashëm - do të ketë gjithashtu kodin e shtetit, shifrat e kontrollit, kodin bankar dhe një numër llogarie.

Sot rreth 70 shtete përdorin formatin IBAN. Megjithatë nuk përfshihen SH.B.A., shtetet Afrikane, Kina, etj. Këto vende kryesisht përdorin formate të tjera si SWIFT dhe BIC.

Shkrimi i numrave të llogarive bankare në formatin IBAN nisi në vitin 1997. Në Lituani, banka e Lituanisë ka të drejtë të akordojë llogari me numër IBAN, vetëm për institucione financiare të liçensuara.

Të gjithë numrat IBAN janë unikë, nuk mund të ketë dy identike dhe ato duhet të shkruhen pa gabime për të funksionuar, ashtu si dëshironi. Në rast të kundërt transferta juaj mund të mbërrijë tek një person i gabuar, ose të kthehet sërisht tek ju. Vendosja e numrit IBAN saktë është përgjegjësi e klientit, prandaj kontrolloni atë disa herë dhe sigurohuni se keni vendosur numrin e saktë përpara se të konfirmoni transfertën.

Pjesa kryesore e një numri IBAN janë shifrat e fundit, të ashtuquajturat BBAN. Këto janë shifrat e numrit të llogarisë së një personi në bankën e tyre.

Në varësi të bankës, numri IBAN shkruhet në vende të ndryshme, megjithatë zakonisht është në një vend të dukshëm vizualisht, pasi të hyni në llogari. Për shembull, në aplikacionin Paysera do t'a gjeni në krye të ekranit të aplikacionit. Mos harroni se numri IBAN i llogarisë aktuale do të jetë i ndryshëm nga numri IBAN i kartës Paysera Visa tuaj, pasi që këto janë dy llogari të ndara.

Megjithëse numrat IBAN janë të nevojshëm kur dërgojnë para në vende të tjera, ato nuk janë të nevojshme për transferta të brendshme në të njëjtën bankë. Për shembull, klientët e Paysera mund të dërgojnë para tek përdoruesit e tjerë të Paysera duke ditur vetëm adresën email, ose numrin e telefonit të lidhur me llogarinë e tyre.