რატომ ვითხოვთ პერსონალურ მონაცემებს? 

ფულის გათეთრებისა და ტერორიზმის დაფინანსების პრევენციის, გამოვლენისა და აღკვეთის ხელშეწყობასთან დაკავშირებული საქართველოს კანონმდებლობის მოთხოვნების შესრულებისა და ბანკისა და მისი კლიენტების ფულის გათეთრების, ტერორიზმის დაფინანსებისა და სხვა თაღლითური ქმედებისგან დაცვისთვის ბანკის მიერ ეფექტიანი ღონისძიებების განხორციელების მიზნით, ბანკი იყენებს "იცნობდე შენს კლიენტს" პრინციპს.  

აღნიშნული მოთხოვნებისა და პრინციპის შესაბამისად, ბანკი სათანადო პერიოდულობით აფასებს თავის საქმიანობასთან დაკავშირებულ ფულის გათეთრებისა და ტერორიზმის დაფინანსების რისკებს, რისთვისაც ნებისმიერი ოპერაციის განხორციელებამდე თუ მომსახურების მიწოდებამდე, ბანკი აიდენტიფიცირებს და დოკუმენტურად ადასტურებს მომხმარებლის რეალურ ვინაობას, აზუსტებს ინფორმაციას კლიენტთან საქმიანი ურთიერთობის მიზნისა და განზრახული ხასიათის შესახებ. ბანკი მოიპოვებს და დოკუმენტურად ინახავს ნებისმიერ დამატებით/განახლებულ ინფორმაციას.   კლიენტებისა და მათი ბენეფიციარი მესაკუთრეების იდენტიფიკაცია და ვინაობის გადამოწმება ხორციელდება ყველა კლიენტის მიმართ და აღნიშნული ღონისძიების განხორციელება არ არის დაკავშირებული რაიმე სახის ეჭვის არსებობზე   ინფორმაციის ამგვარი შეგროვება და დამუშავება ამცირებს ფინანსური თაღლითობებისა და სხვა სახის დანაშაულებრივი ქმედებების რისკს და იცავს თქვენი ფინანსებისა და ინტერესების უსაფრთხოებას.